هل يعحبك اسمك الحقيقي

انا بصراحه اسمي بقوووه مو عاجبني وكمان قديم وكبير
واللي قاهرني انو انا اصغر اخواتي واسمي مرره مو بسني واخواتي اسمهم في سنهم
وكتير ناس لما يسألوا عني واقول لهم اسمي يقولوا غريبه انت اسمك كدا
واختك كدا
اقول لأن ستي ( جدتي) اسمها كذا
وكمان امي الله يهديها ماافتكرت تسمي اسم امها الا في اخر بناتها
واجي اخد تهزيئه من امي وتقولي ياليتك بس تطلعي زي ستك (جدتك)
السبب بتسميتي بأسم جدتي : هوا ان امي كانت حامل فيني
وفي نفس الوقت ماتت جدتي وجهي نحس هههههههههه
لكن في ناس للأن تسمي هذي الاسماء وكمان حضر مو بدو انا كنت اعرف اخت صحبتي في تاني ابتدائي
واسمها زي اسمي حزنت عليها وربي
بس والله الاسم اكسب منه اموال تدرون ليه؟؟
عشان ازن على خالاتي وخيلاني اقولهم انا حامله اسم امكم وماتكسوني
المهم تعطوني كل شهر مصروف شهري
وماشاء الله مايقصروا
وفي زواج اختي هم اللي تكفلو فيني

بس بصراحه نفسي اغيره بس ما اقدر لان امي تقولي لو غيرتيه بتبرا منك
والا امي ما اقدر ازعلها

والاسم اللي اتمناه يكون اسمي
ذوق هذا الاسم احبه انشاء الله اسميه لبنتي اذا جات بعد ابوها
او حنين حنين لان هدي الصفه فيني وزايده

ايلاف
هذا الاسم اللي كانت بتسميني اياه امي قبل لاتموت ستي
ادري طولت عليكم بس من جد احس اني نزلت هم كبير لما سألتي السؤال ياورد البراري