المهر..غلاه من غلى المرأه؟؟

بسم الله الرحمن الرحيم
أعزائي الاعضاء الرائعين ..
اليوم ودي اننا نتناقش عن موضوع صار هذي الايام منتشر ...وكثرت الجدالات فيه وهو ( المهر )
غلاءه وقلته ..
لكن الموضوع اللي ودي اتكلم عنه اليوم هو ان في بعض الناس يقولون ان كلما زاد مهر البنت كلما زاد غلاها ومحبتها ..وابدا ما نرفع عليها صوت ولا يد ..
واذا كان مهرها قليل فصفقتها سهله ..وتركتها سهله ..وكل شيء عادي ..
يعني معقوله ياجماعه ان البنت مايزيد غلاها الا اذا زاد مهرها ..
ابغي آراءكم كلكم يا جماعه وبصراحه ..
لأني سمعت قصه عن واحد يتكلم ويقول لصاحبه ان اخوي دافع لعروسته مئة الف لازم يحطها في عيونه ولا حتى ينفخ عليها ..
ليش هي مثل اللي دفع فيها ثلاثين والله اربعين طراقك وانت ماشي ..
أعزائي هل عزة ورفعة شأن المرأه وغلاها من غلى مهرها ..للي ودي اننا نتناقش فيه
هذا الموضوع اللي ودي اننا نتناقش فيه ..

ولكم هذي القصه ايضا قرأتها ..
تقدم شاب لخطبة فتاة … فلما وجد الأب فيه الصفات المناسبة طلب منه مهر ريال واحد سعودي فقط !!!
قال الأب: نحن نشتري رجل ولا يهمنا المال
وبعد أن تم الزواج كانت هناك حركة يقوم بها الزوج دوما على سبيل المزاح، كان كلما اشترى الرجل قوطي بيبسي يقول لحرمته : أنت والقواطي نفس الشيء كلكم بريال، والزوجة مقهورة وتكتم غيظها.
مرة طلعوا يتمشون واشترى بيبسي قال لها : تخيلي سعر البيبسي نفس سعر للمهر !!
طفح الكيل .... طلبت الحرمة تزور أهلها واشتكت هناك لأهلها من زوجها قائلة: أرخصتم مهري فأرخص قدري
عصّب الأب وقال للزوج الذي أتى لأخذ زوجته :خليها اليوم وتعال أنت وكل أهلك بكرة عندنا عزيمة ، وفي اليوم الثاني أتى هو وعائلته الذين فوضع لهم الأب قوطي بيبسي استغرب الزوج وعائلته وبدأ يشعر أن الموضوع عن تعليقاته.
ثم أتى الأب بقوطي ثاني وثالث ووضعها أمام أهل الشاب قائلا لهم : أخذتوا بنتنا بقوطي بيبسي والآن نعطيكم 3 قواطي ورجعوها !!
كاد الزوج يغمى عليه من الإحراج أما أهله فلم يفهموا شيئا، شرح لهم الأب الموقف فغضب الجميع على الزوج، أهكذا جزاء من أكرمك؟؟
حلف الأب ألا تخرج البنت من بيته إلا بـ300 ألف ريال وأيده الجميع...
أحرج الزوج وعلم أنه يستحق ما حصل له
ودمتم أعزائي وانتظر آراءكم ..

تحيه معطره

شكرا تلميذه على الموضوع وفعلا هناك ناس بهذه الطريقه بس انا من رايي انه يكون المهر معقول مثلا 25000يعني وسط ولايرخصا ولا يغليها لانه فيه ناس احس انهم يبيعو بناتهم 100 الف و150 الف وكانه يتاجر في سلعه الله يهديهم ويوفق الجميع

انا مع ادمن كلامه صح والله يعطيك العافية اخوي ادمن

لاتعليق

دمت بود